Pwy ydy Redloxx?
Haia! Sara dw'i a dw'i wedi bod yn seicotherpydd cofrestredig ers 16 mlynedd bellach. Dw'i yn gweithio efo oedolion a phobl ifanc, ac yn credu mewn cynnig dull modern o therapi.

Dwi yn cynnal sesiynau therapi wyneb yn wyneb yn fy stwidio neu ar-lein. Dwi yma i'ch helpu chi ddatrys problemau a chynnig rhyddhad o faterion iechyd meddwl megis gorbryder ac iselder. Mae cael therapydd ond yn gofyn cwestiynau fel "sut wyt ti'n teimlo am hyn?" yn gallu bod yn rwystredig iawn.  Mi fydda i yn fi fy hun drwy'r sesiynau er mwyn i ni allu adeiladu'r berthynas rhyngddom ac i chi ymddiried yndda i. Mae hyn yn bwysig er mwyn cael canlyniad effeithiol a llwyddiannus.

Sesiynau therapi
Os ydych wedi meddwl am gael sesiynau therapi ers tro, efallai eich bod yn barod i fentro a rhoi cynnig arni. Does dim byd i'w golli, rhowch gynnig ar un sesiwn i ddechrau a gweld sut mae'n mynd. Dw i'n gwybod o brofiad bod therapi'n gweithio, a mi fyddai'n rhoi cant y cant i bob cleient gan mod i eisiau eich gweld chi'n llwyddo! Dw i'n gwybod sut deimlad ydy bod yn sownd felly dw i'n deall. Mi fyddai efo chi ar hyd y daith  - gall fod yn heriol ac emosiynol, ond byddaf yno i'ch arwain i le gwell.
 
Be dwi’n fwynhau fwyaf am fy ngwaith?
Mae gweld pobl yn cyrraedd lle o ddeall eu hunain yn well ac yn y pen draw yn teimlo'n hapusach y teimlad gorau i mi. Dwi'n caru bod ar y siwrna' boncyrs 'ma ryda ni'n alw'n fywyd hefo chi.
 
Mae pawb yn haeddu bod yn hapus.